Tuesday, December 25, 2018

NABII MKUU MHE. DR. GEORDAVIE AMEWATAKA WATU KUTOKUANGALIA MAZINGIRA YANASEMA NINI BALI WAANGALIE KUSUDI LA MUNGU KATIKA MAISHA YAO.





   Jumapili ya tarehe 23.12.018 Nabii Mkuu Mhe. Dr. GeorDavie aliongoza ibada ya jiji katika Chuo Kikuu Cha Manabii Ngurumo Ya Upako Arusha, ambapo ilikuwa ni ibada ya Christmas ya kudhihirisha kusudi la Mungu maishani.

   Akifundisha somo lenye kichwa kisemacho "Usiangalie mazingira bali kusudi la Mungu" Nabii Mkuu amesema kuwa kuna wakati mazingira yanaweza kueleza kitu kingine lakini pia Mungu akawa na kusudi maishani mwako ambapo alimtolea mfano Yesu Kristo na kusema kuwa kuzaliwa kwake katika hori la ng'ombe haikuwa sababu ya kusudi alilokuwa nalo kupotea.
   Aidha Nabii Mkuu amesema kuwa katika maisha kuna vitu vitatu.. Mazingira, Wakati na Kusudi na kuongeza kwamba "Mazingira hukabiliwa na wakati" ikiwa siyo wakati wa Mungu huwezi kulazimisha na pia ikiwa ni wakati wa Mungu huwezi kuuzuia.

   Mbali na hayo Nabii Mkuu Mhe. Dr. GeoDavie alifungua watu mbalimbali waliofika wakiwa na vifungo vya nguvu za giza, na pia kutamka maneno ya baraka kwa watu wote ili wazidi kuinuka, kubarikiwa, kung'aa na kufanikiwa.

   Pia Nabii Mkuu ametangaza kuwepo tena katika katika hema la kukutania Ngurumo Ya Upako siku ya jumatano ya tarehe 26.12.018 ambapo itakuwa ni ibada ya hitimisho la Siku kuu ya kukusanya (SKYK) ambapo watu wote wametakiwa kufika wakiwa wamefunga pamoja na bajeti zao za mwaka 2019.


    NB: Usisahau ku-download application ya GeorDavie Ministries itakayo kuwezesha kutazama  GeorDavie Tv pamoja na kusikiliza 99.3 N.Y.U Radio.

Monday, December 10, 2018

NABII MKUU MHE. DR. GEORDAVIE AONGOZA IBADA YA MWISHO KWA SILVER PARTNERS.



KUTOKA KATIKA IBADA YA JIJI, CHUO KIKUU CHA MANABII, ILIYOFANYIKA KATIKA HEMA LA KUKUTANIA NGURUMO YA UPAKO, KISONGO, ARUSHA..
Nabii Mkuu Mhe. Dr. GeorDavie aliongoza ibada ya chuo kikuu cha manabii siku ya jana ambapo ilikuwa ni ibada ya Silver Partners ya mwisho kwa mwaka huu wa 2018, ambapo aliweza kutamka baraka mbalimbali kwa wana-Silver Partners wote.