MHE. PROF. GEORDAVIE: WATUMISHI WA MUNGU WAAMINIFU NA WALIOTAYARI WATAUPOKEA UPAKO NA KUFANYA MABADILIKO MAKUBWA KWA MATAIFA.

Mhe. Nabii Mkuu Prof. GeorDavie amesema Upako alioubeba unaishi na wanaopokea upako huo wataubeba na kuupeleka mataifa mbalimbali duniani.

Ameyasema hayo novemba 01, 2026 wakati akiwapaka mafuta watumishi kutoka mataifa mbalimbali waliofika katika ibada ya kimataifa ya chuo kikuu cha manabii iliyofanyika katika nyumba ya matamko ngurumo ya upako ambapo ilikuwa ni ibada ya kusimamisha Nguzo Betheli ili kumjengea Bwana Madhabahu.

Akiwapaka mafuta watumishi hao Nabii Mkuu amesema Mungu hajampa upako huo ili abaki nao hivyo kazi yake ni kuachilia upako huo kwa watumishi wote waaminifu wa Yesu Kristo na waliotayari wataupokea na kufanya mabadiliko makubwa kwa mataifa.

DC ARUMERU AMSHUKURU MHE. NABII MKUU PROF. GEORDAVIE KWA KUKUBALI KUSHIRIKIANA NAYE KATIKA MAPAMBANO DHIDI YA UKATILI WA KIJINSIA

DC Neema Lugangira "Namshukuru sana Kiongozi Mkuu wa Kanisa la Ngurumo ya Upako, Mhe. Nabii Mkuu Profesa GeorDavie, kwa mwaliko maalum wa kushiriki ibada leo na kwa kukubali kushirikiana nami katika mapambano dhidi ya ukatili wa kijinsia hapa Wilaya ya Arumeru, ambapo yeye pia ni mkazi".

Ameyasema hayo kupitia ukurasa wake Neema Lugangira na hiyo ni mara baada ya kushiriki ibada ya kimataifa ya Chuokikuu cha Manabii iliyofanyika novemba 01, 2026 katika nyumba ya matamko Kisongo Arusha.

MHE. NABII MKUU PROF. GEORDAVIE AWATAKA WATU KUISHIKA ILE IMANI WALIYOISHIKA MWANZO

Mhe. Nabii Mkuu Prof. GeorDavie amewataka watu kumpenda Mungu, kuongeza bidii katika kuhudhuria ibada pamoja na kuishika ile imani waliyoishika tangu mwanzo.

Ameyasema hayo usiku wa jana wa oktoba 22, 2026 akiwa Radioni ambapo amewataka watu kutokuwa na masikio ya kuwasha ya kusikia kila kitu huku akiongeza kuwa kufanya hivyo itapelekea kupoteza kitu kikubwa ambacho umekitabikia kama dhahabu kwa miaka mingi.

Aidha Mhe. Nabii Mkuu Prof. GeorDavie ametamka matamko ya baraka na uponyaji kwa kila mmoja.

TAZAMA VICHWA VYA HABARI KATIKA MAGAZETI YA LEO OKTOBA 23, 2026

 

JAJI MSHIBE AWATAKA WANANCHI KUZINGATIA TAARIFA ZA UTABIRI WA HALI YA HEWA ILI KUWA SALAMA

 Mgeni rasmi na Mwenyekiti wa Bodi ya Mamlaka ya Hali ya Hewa Tanzania (TMA) Mhe. Jaji Mshibe Ali Bakari, amesisitiza umuhimu wa kuzingatia taarifa za utabiri wa hali ya hewa na 

tahadhari zinazotolewa na Mamlaka ya Hali ya Hewa Tanzania (TMA) ili kulinda maisha na mali za wananchi.

Jaji Mshibe aliyasema hayo wakati akifungua kikao cha wadau kutoka sekta mbalimbali kilichofanyika katika ukumbi wa PSSSF, Dodoma, tarehe 19 Oktoba 2026 kwa ajili ya kujadili athari na ushauri kwa kila sekta. Hii ni moja ya hatua za maandalizi ya kutoa Utabiri wa Mvua za Msimu Novemba, 2026 hadi Aprili 2027.

Akizungumzia hatua za kukabiliana na maafa, alisisitiza kuwa uokozi wenye tija ni ule unaofanyika kabla athari hazijatokea, hapo unakuwa umeiokoa jamii, na mwisho alitoa wito kwa wadau kutumia tahadhari za hali ya hewa kupanga hatua za kinga na kujiandaa mapema, badala ya kusubiri maafa yatokee.

Kwa upande wake Mkurugenzi Mkuu wa TMA na Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabia Nchi (IPCC), Dkt. Ladislaus Chang’a, Alisisitiza, umuhimu kwa wananchi kuendelea kufuatilia na kuzingatia utabiri na tahadhari za matukio ya hali mbaya ya hewa.

TAZAMA VICHWA VYA HABARI KATIKA MAGAZETI YA LEO OKTOBA 20, 2026

RAIS WA UFARANSA EMMANUEL MACRON AKATAA OMBI LA KUJIUZULU KWA WAZIRI WA USALAMA WA NDANI

Rais wa Ufaransa Emmanuel Macron amekataa ombi la kujiuzulu kwa Waziri wa Usalama wa Ndani, kufuatia ghasia zilizozuka nchini humo.

Macron amesema waziri Laurent Nunez, anapaswa kuendelea kuhudumu katika wadhfa wake na kutafuta suluhisho za kukabiliana na waandamanaji waliohusika na ghasia haraka iwezekanavyo.

Macron ameilaumu idara ya usalama kwa kushindwa kukusanya taarifa za kijasusi mapema, hali iliyochangia kuzuka kwa vurugu hizo.

Ghasia hizo zilitokea baada ya maandamano makubwa kufanyika, kupinga kupanda kwa gharama za maisha na kudorora kwa huduma za umma.

Mkutano wa dharura wa serikali unatarajiwa kufanyika hii leo kujadili yaliyotokea.

Macron ameonya kuwa wote waliohusika na ghasia hizo watawajibishwa kwa mujibu wa sheria.

 

TAZAMA VICHWA VYA HABARI KATIKA MAGAZETI YA LEO OKTOBA 19, 2026

 

TAZAMA PICHA ZA MHE. NABII MKUU PROF. GEORDAVIE KATIKA MKUTANO WA UN-PAF JIJINI DOHA QATAR

Mhe. Nabii Mkuu Profesa GeorDavie ambaye ni Naibu Mwenyekiti wa Agenda  ya Amani na Diplomasia UN-PAF Doha International Peace & Diplomatic Forum 2026, jijini Doha Qatar.

Jukwaa la Kimataifa la Amani, Diploasia, Maendeleo Endelevu na ushirikiano wa Kimataifa.

Katika Mkutano huo Mhe. Nabii Mkuu Prof. GeorDavie alizungumzia kuhusu umuhimu wa kuimarisha ujenzi wa amani katika ukanda wa Ghuba.

Nabii Mkuu amesema "Ghuba ni eneo lenye umuhimu wa kimkakati kwa dunia, likiunganisha mataifa, tamaduni, uchumi na ustaarabu mbalimbali huku akiongeza kuwa kuendelea kwa utulivu wake si jukumu la kikanda pekee, bali ni maslahi ya dunia nzima". 

Pia, amesema kuwa kunapaswa kuimarishwa kwa diplomasia ya kuzuia migogorona kuongeza kuwa ni bora zaidi kutatua tofauti kupitia mazungumzo na uelewano kabla hazijageuka kuwa migogoro.

Mhe. Nabii Mkuu Prof. GeorDavie amesema Nchi za Ghuba zimeonesha kwamba diplomasia inaweza kuleta matokeo ya kushangaza na kuongeza kuwa Amani si tu kutokuwepo kwa migogoro, Amani ni uwepo wa haki, utu, fursa, kuheshimiana na uwajibikaji wa pamoja.

“Kwa hiyo, tujenge madaraja badala ya kuta, tuimarishe mazungumzo badala ya mgawanyiko, na tuchague ushirikiano badala ya makabiliano”.

“Tukifanya kazi Pamoja kwa ujasiri, hekima na kujitolea kwa dhati tunaweza kujenga ukanda wa Ghuba ambako amani inadumishwa, maendeleo yanawafikia wote, na vizazi vijavyo vinarithi utulivu na ustawi”.

“Tufanye amani isiwe tu matarajio yetu, bali iwe jukumu letu la Pamoja”.

“Asanteni, na amani, ustawi na ushirikiano viendelee kuuongoza ukanda wa Ghuba na dunia”. Naibu Mwenyekiti (UN-PAF) Mhe. Prof. GeorDavie