JAJI MSHIBE AWATAKA WANANCHI KUZINGATIA TAARIFA ZA UTABIRI WA HALI YA HEWA ILI KUWA SALAMA

 Mgeni rasmi na Mwenyekiti wa Bodi ya Mamlaka ya Hali ya Hewa Tanzania (TMA) Mhe. Jaji Mshibe Ali Bakari, amesisitiza umuhimu wa kuzingatia taarifa za utabiri wa hali ya hewa na 

tahadhari zinazotolewa na Mamlaka ya Hali ya Hewa Tanzania (TMA) ili kulinda maisha na mali za wananchi.

Jaji Mshibe aliyasema hayo wakati akifungua kikao cha wadau kutoka sekta mbalimbali kilichofanyika katika ukumbi wa PSSSF, Dodoma, tarehe 19 Oktoba 2026 kwa ajili ya kujadili athari na ushauri kwa kila sekta. Hii ni moja ya hatua za maandalizi ya kutoa Utabiri wa Mvua za Msimu Novemba, 2026 hadi Aprili 2027.

Akizungumzia hatua za kukabiliana na maafa, alisisitiza kuwa uokozi wenye tija ni ule unaofanyika kabla athari hazijatokea, hapo unakuwa umeiokoa jamii, na mwisho alitoa wito kwa wadau kutumia tahadhari za hali ya hewa kupanga hatua za kinga na kujiandaa mapema, badala ya kusubiri maafa yatokee.

Kwa upande wake Mkurugenzi Mkuu wa TMA na Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabia Nchi (IPCC), Dkt. Ladislaus Chang’a, Alisisitiza, umuhimu kwa wananchi kuendelea kufuatilia na kuzingatia utabiri na tahadhari za matukio ya hali mbaya ya hewa.

TAZAMA VICHWA VYA HABARI KATIKA MAGAZETI YA LEO OKTOBA 20, 2026

RAIS WA UFARANSA EMMANUEL MACRON AKATAA OMBI LA KUJIUZULU KWA WAZIRI WA USALAMA WA NDANI

Rais wa Ufaransa Emmanuel Macron amekataa ombi la kujiuzulu kwa Waziri wa Usalama wa Ndani, kufuatia ghasia zilizozuka nchini humo.

Macron amesema waziri Laurent Nunez, anapaswa kuendelea kuhudumu katika wadhfa wake na kutafuta suluhisho za kukabiliana na waandamanaji waliohusika na ghasia haraka iwezekanavyo.

Macron ameilaumu idara ya usalama kwa kushindwa kukusanya taarifa za kijasusi mapema, hali iliyochangia kuzuka kwa vurugu hizo.

Ghasia hizo zilitokea baada ya maandamano makubwa kufanyika, kupinga kupanda kwa gharama za maisha na kudorora kwa huduma za umma.

Mkutano wa dharura wa serikali unatarajiwa kufanyika hii leo kujadili yaliyotokea.

Macron ameonya kuwa wote waliohusika na ghasia hizo watawajibishwa kwa mujibu wa sheria.

 

TAZAMA VICHWA VYA HABARI KATIKA MAGAZETI YA LEO OKTOBA 19, 2026

 

TAZAMA PICHA ZA MHE. NABII MKUU PROF. GEORDAVIE KATIKA MKUTANO WA UN-PAF JIJINI DOHA QATAR

Mhe. Nabii Mkuu Profesa GeorDavie ambaye ni Naibu Mwenyekiti wa Agenda  ya Amani na Diplomasia UN-PAF Doha International Peace & Diplomatic Forum 2026, jijini Doha Qatar.

Jukwaa la Kimataifa la Amani, Diploasia, Maendeleo Endelevu na ushirikiano wa Kimataifa.

Katika Mkutano huo Mhe. Nabii Mkuu Prof. GeorDavie alizungumzia kuhusu umuhimu wa kuimarisha ujenzi wa amani katika ukanda wa Ghuba.

Nabii Mkuu amesema "Ghuba ni eneo lenye umuhimu wa kimkakati kwa dunia, likiunganisha mataifa, tamaduni, uchumi na ustaarabu mbalimbali huku akiongeza kuwa kuendelea kwa utulivu wake si jukumu la kikanda pekee, bali ni maslahi ya dunia nzima". 

Pia, amesema kuwa kunapaswa kuimarishwa kwa diplomasia ya kuzuia migogorona kuongeza kuwa ni bora zaidi kutatua tofauti kupitia mazungumzo na uelewano kabla hazijageuka kuwa migogoro.

Mhe. Nabii Mkuu Prof. GeorDavie amesema Nchi za Ghuba zimeonesha kwamba diplomasia inaweza kuleta matokeo ya kushangaza na kuongeza kuwa Amani si tu kutokuwepo kwa migogoro, Amani ni uwepo wa haki, utu, fursa, kuheshimiana na uwajibikaji wa pamoja.

“Kwa hiyo, tujenge madaraja badala ya kuta, tuimarishe mazungumzo badala ya mgawanyiko, na tuchague ushirikiano badala ya makabiliano”.

“Tukifanya kazi Pamoja kwa ujasiri, hekima na kujitolea kwa dhati tunaweza kujenga ukanda wa Ghuba ambako amani inadumishwa, maendeleo yanawafikia wote, na vizazi vijavyo vinarithi utulivu na ustawi”.

“Tufanye amani isiwe tu matarajio yetu, bali iwe jukumu letu la Pamoja”.

“Asanteni, na amani, ustawi na ushirikiano viendelee kuuongoza ukanda wa Ghuba na dunia”. Naibu Mwenyekiti (UN-PAF) Mhe. Prof. GeorDavie 

 

 

MHE. PROF. GEORDAVIE: AMANI SI TU KUTOKUWEPO KWA MIGOGORO, AMANI NI UWEPO WA HAKI, UTU, FURSA, KUHESHIMIANA NA UWAJIBIKAJI WA PAMOJA

Mhe. Nabii Mkuu Prof. GeorDavie ambaye ni Naibu Mwenyekiti wa United Nations Peace Ambassadors Foundation (UN-PAF) amesema kuwa Ujenzi wa amani lazima uanze na mazungumzo ikiwa ni pamoja na kuundwa kwa majukwaa imara zaidi ambapo serikali,wanadiplomasia, mashirika ya kiraia,viongozi wa dini, vijana na jamii wanaweza kuwasiliana kwa uwazi, heshima na kwa njia yenye kujenga.

Ameyasema hayo alipokuwa akihutubia katika mkutano UN-PAF Doha International Peace & Diplomatic Forum 2026, uliofanyika jijini Doha, Qatar ambapo alikuwa akizungumzia kuhusu umuhimu wa kuimarisha ujenzi wa amani katika ukanda wa Ghuba.

Katika hotuba yake Mhe. Nabii Mkuu Prof. GeorDavie amesema Ghuba ni eneo lenye umuhimu wa kimkakati kwa dunia, likiunganisha mataifa, tamaduni, uchumi na ustaarabu mbalimbali huku akiongeza kuwa kuendelea kwa utulivu wake si jukumu la kikanda pekee, bali ni maslahi ya dunia nzima. Pia, amesema kuwa kunapaswa kuimarishwa kwa diplomasia ya kuzuia migogorona kuongeza kuwa ni bora zaidi kutatua tofauti kupitia mazungumzo na uelewano kabla hazijageuka kuwa migogoro. 

Mhe. Nabii Mkuu Prof. GeorDavie amesema Nchi za Ghuba zimeonesha kwamba diplomasia inaweza kuleta matokeo ya kushangaza. Tunapaswa kujenga juu ya utamaduni huu kwa kuendeleza mazungumzo ya kikanda, ushirikiano wa kibinadamu, uendelevu wa mazingira na utatuzi wa migogoro kwa njia ya aman. Amesema Amani si tu kutokuwepo kwa migogoro, Amani ni uwepo wa haki, utu, fursa, kuheshimiana na uwajibikaji wa pamoja.

“Kwa hiyo, tujenge madaraja badala ya kuta, tuimarishe mazungumzo badala ya mgawanyiko, na tuchague ushirikiano badala ya makabiliano”.

“Tukifanya kazi Pamoja kwa ujasiri, hekima na kujitolea kwa dhati tunaweza kujenga ukanda wa Ghuba ambako amani inadumishwa, maendeleo yanawafikia wote, na vizazi vijavyo vinarithi utulivu na ustawi”.

“Tufanye amani isiwe tu matarajio yetu, bali iwe jukumu letu la Pamoja”.

“Asanteni, na amani, ustawi na ushirikiano viendelee kuuongoza ukanda wa Ghuba na dunia”. Naibu Mwenyekiti (UN-PAF) Mhe. Prof. GeorDavie 

MHE. NABII MKUU PROF. GEORDAVIE ASHIRIKI MKUTANO WA UN-PAF DOHA INTERNATIONAL PEACE & DIPLOMATIC FORUM 2026 JIJINI DOHA QATAR

Mhe. Nabii Mkuu Profesa GeorDavie (Balozi Wa Amani) ambaye ni Naibu Mwenyekiti wa United Nations Peace Ambassadors Foundation (UN-PAF), tarehe 7 oktoba 2026 ameshiriki katika mkutano UN-PAF Doha International Peace & Diplomatic Forum 2026, uliofanyika jijini Doha, Qatar.

Mkutano huo umebeba kaulimbiu inayolenga kujenga madaraja kwa ajili ya amani, diplomasia, maendeleo endelevu na ushirikiano wa kimataifa.

Profesa GeorDavie ametoa hotuba ya Naibu Mwenyekiti, akizungumzia masuala ya diplomasia na amani katika ngazi ya kimataifa.

Jukwaa hilo pia limewahusisha viongozi, mabalozi, wajumbe na wageni mbalimbali kutoka mataifa tofauti, pamoja na utambuzi wa wageni mashuhuri na utoaji wa tuzo na vyeti kwa watu wanaotambuliwa kwa mchango wao katika amani, diplomasia, huduma za kibinadamu na maendeleo endelevu.

Mkutano huo umefanyika katika Best Plaza Hotel, West Bay, Doha, Qatar.

WATU WAMETAKIWA KUTAMBUA YA KUWA YESU KRISTO YUKO NDANI YA NABII MKUU MHE. PROF. GEORDAVIE

Watu wametakiwa kuendelea kufungua macho na kumtazama Nabii Mkuu Mhe. Prof. GeorDavie kwa sababu Yesu Kristo yu ndani yake.

Hayo yamesemwa hii leo na Mchungaji Kiongozi Mama Anna Davie wakati akiongoza ibada ya chuo kikuu cha manabii iliyofanyika katika nyumba ya matamko ngurumo ya upako kisongo Arusha ambapo ilikuwa ni ibada ya kumshukuru Mungu kwa kumuweka Nabii Mkuu katika Taifa letu.

Naye Mtume Modekai katika somo lake la kufungua mioyo ya watu waliofunga kwa ajili yako amesema kuwa ipo mioyo wa watu iliyofungwa kwa ajili yako ili usiweze kuvuka na kufanikiwa.

Kwa upande wake kijana Teresia Teit amesema kuna kila sababu ya kumshukuru Mungu kwa kumuweka Nabii Mkuu katika Taifa hili la Tanzania.

Kijana Moses Elias pia alipata nafasi ya kufundisha katika ibada hiyo kuhusu Hofu na kusema kuwa hofu ni hisia ya asili, wasiwasi au woga unaomjia mtu na inawatesa watu wengi.

SERIKALI YAJA NA MIKAKATI KUTOKOMEZA MIGOGORO YA ARDHI

Serikali imetangaza kuunda timu ya wataalamu itakayochunguza migogoro ya ardhi nchini kwa kuangalia vyanzo vyake, ilipofikia na namna ya kuishughulikia.

Timu hiyo itakuwa na wataalamu watakaopitia migogoro hiyo kwa upana, kubaini vyanzo vyake, hatua ilipofikia na hatua zinazoweza kuchukuliwa kuitatua.

Hayo yamebainishwa Septemba 30, 2026 na Waziri wa Ardhi, Nyumba na Maendeleo ya Makazi, Dkt. Leonard Akwilapo wakati wa maadhimisho ya miaka 40 wa Habitat for Humanity Tanzania.

Dkt. Akwilapo amesema Serikali inatambua uwepo wa migogoro ya ardhi na inaendelea kuchukua hatua kuishughulikia.

Amesema kuna migogoro ya aina tofauti ya ardhi akibainisha kuwa baadhi ni halisi huku mingine ikiwa ni migogoro inayotengenezwa, lakini yote inaendelea kushughulikiwa.

CP KOMBO KHAMIS KOMBO AWATAKA MAAFISA HABARI WA JESHI LA POLISI KUENDELEA KUWA NGUZO IMARA.

Kamishna wa Polisi Zanzibar CP Kombo Khamis Kombo amewataka Maafisa Habari wa Jeshi la Polisi kuendelea kuwa nguzo imara katika kuelimisha na kuhabarisha umma kuhusu masuala ya ulinzi na usalama.

Hayo amezungumza Septemba 28, wakati akifungua kikao kazi cha siku tatu kwa Maafisa Habari wa Jeshi la Polisi wa Makao Makuu ya Polisi, Mikoa, Vikosi na Vyuo vya Polisi katika Shule ya Polisi Tanzania (TPS) Moshi Mkoa wa Kilimanjaro.

CP Kombo, amehimiza nafasi ya Maafisa Habari katika kujenga na kuimarisha mahusiano mazuri kati ya Jeshi la Polisi na jamii, huku akiwataka kutumia taaluma yao kuhakikisha umma unapata elimu na taarifa sahihi na kwa wakati zinazohusu Jeshi la Polisi ikiwemo kazi na mafanikio.

Naye, Kamishna wa Polisi Jamii CP Alex Mkama, amesema kuwa kitengo cha habari na uhusiano ndani ya Jeshi la Polisi kimekuwa na mchango mkubwa katika kuzuia na kutanzua uhalifu kwani jamii imekuwa ikihabarishwa na kujengewa uwezo wa kubaini, kuzuia na kupambana na uhalifu kabla haujatokea katika  maeneo yao.

NABII MKUU MHE. PROF. GEORDAVIE LEO HII KUSHIRIKI KONGAMANO LA 15 LA UMOJA WA MATAIFA ABU DHABI, FALME ZA KIARABU.

Nabii Mkuu Mhe. Prof. GeorDavie amepata mwaliko wa kushiriki katika Kongamano la 15 la Umoja wa Mataifa kuhusu Kuzuia Uhalifu na Haki Jinai, linalofanyika mjini Abu Dhabi, Falme za Kiarabu.

Kwa mujibu wa barua rasmi kutoka International Association of World Peace Advocates (IAWPA), Prof. GeorDavie amealikwa kushiriki katika kongamano hilo tarehe 1 Oktoba 2026.

Mwaliko huo unatokana na kutambua uongozi wake na dhamira yake katika kujenga amani, huku akiteuliwa kuwa miongoni mwa wazungumzaji katika kongamano hilo.

Kongamano hilo linawakutanisha wadau mbalimbali wa kimataifa kwa ajili ya kujadili masuala yanayohusu kuzuia uhalifu, haki jinai pamoja na juhudi za kukuza amani na usalama katika jamii na duniani kwa ujumla.

Katika ushiriki wake Prof. GeorDavie anatarajia kutoa mchango wake kupitia uzoefu na mtazamo wake katika masuala ya amani, umoja na maendeleo ya jamii, akiwa sehemu ya jukwaa hilo la kimataifa.

Ushiriki huo pia unaiweka Tanzania katika nafasi ya kuwakilishwa kwenye jukwaa la kimataifa linalojadili masuala muhimu yanayohusu amani, haki na usalama wa jamii.

PROF. GEORDAVIE: UKIWA MTU MWENYE AKILI YA KIFALME INAKUPA WEPESI WA KUPOKEA MIUJIZA NA BARAKA MBALIMBALI

Mhe. Nabii Mkuu Prof. GeorDavie amemtaka kila mmoja kufikiri kama mtu wenye akili ya kifalme kwani itamsidia kupokea miujiza na baraka mbalimbali katika maisha

Ameyasema hayo jumapili ya tar. 27 Oktoba 2026 katika ibada ya chuo kikuu cha manabii iliyofanyika katika nyumba ya matamko kisongo Arusha ambapo ilikuwa ni ibada ya KUPOKEA UTAYARI KWA AJILI YA KUFANIKISHA KILA JAMBO LAKO.

Mhe. Nabii mkuu amesema kuwa kwa sababu ufalme wa Mungu uko ndani ya mtu hata napokuwa akitamka neno kwa ajili yako inakuwa na urahisi wa wewe kupokea.

Pia katika ibada hiyo Mhe. Nabii Mkuu Prof. GeorDavie alizindua kitabu kingine kinachosema ELEWA MFUMO WA MAMLAKA YA UFALME ambapo amesema kitabu hicho kitakusaidia kujifunza kujua tofauti ya neno la Mungu na kujua jinsi ya UFALME unavyofanya kazi.

Aidha hicho ni kitabu cha sita tangu aanze kuandika vitabu ambapo vitabu vingine alivyoviandika Mhe. Nabii Mkuu Prof. GeorDavie ni Pamoja na AFRIKA MOJA, AMANI NA DIPLOMASIA, UCHUMI NA MAENDELEO YA SERIKALI YA UFALME WA MUNGU, KUENENDA NA VIWANGO VYA SERIKALI TUKUFU YA UFALME WA MUNGU Pamoja na MTUMISHI ALIYEJERUHIWA UPONYAJI NA UREJESHO.