Diego Costa anakaribia kupata klabu mpya, unaonekana Costa hakutaka
kuondoka Chelsea lakini ugomvi wake na kocha Antonio Conte umechangia
kwa kiasi kikubwa mshambuliaji huyo kuamua kuondoka.
Sasa baasi Diego Costa ameulizwa kuhusu kocha huyo wa Chelsea na bila
kufikiria mara mbili Costa amesema Conte ni kocha mzuri lakini ni kocha
ambaye hawezi kuishi vizuri na wachezaji wake.
“Unajua mwezi wa kwanza nilikuwa nataka kuongeza mkataba lakini kuna
mambo.yalitokea na sikufanya hivyo na najua kocha alikuwa chanzo cha
mimi
kutofanya vile” alisema Costa.
“Namuheshimu sana ni kocha ambaye amefanya mambo makubwa lakini
linaookuja suala la utu hapana kwani hajui kuishi na wachezaji na
anakuwa mbali nao sana”
Wakati Costa akimshushia shutuma hizo Conte ,Diego huyo huyo
amemwagia sifa kocha wa Manchester United Jose Mourinho baada ya kocha
huyo kumpigia simu.
“Mourinho alinipigia simu moja kwa moja akiniuliza kama nina matatizo
na kutaka kujua naendeleaje baadae alinitakia kila la kheri, ni mtu
ambae nina uhusiano nae mzuri na kila mmoja wetu alihuzunika
alipoondoka” alisema Costa.
No comments:
Post a Comment