FORBES YAORODHESHA MATAJIRI KUMI WANAOONGOZA DUNIANI, JEFF BEZOS AMPITA BILL GATES.

Mwanzilishi wa Kampuni ya Amazon, Jeff Bezos amempita Bill Gates na kuwa tajiri namba moja duniani akimiliki utaji wa dola za kimarekani 90.6 bilioni (Tsh 203 trilioni).

Kupanda wa hisa za Amazon kwa asilimia 1.5 leo Alhamisi Julai 27 kulimaanisha kuwa tajiri huyo amempita mwanzilishi mwenza wa Microsoft, kwa mujibu wa taarifa za jarida la Forbes la nchini Marekani.

 

Forbes wameeleza kuwa Bezos ana utajiri wa $90.6 bilioni akimzidi Bill Gates aliyekuwa anashikilia nafasi hiyo akiwa na utajiri wa $90 billioni sawa na Tsh
201.5 trilioni.

Bezos ananakadiriwa kumilikia hisa milioni 80 za Amazon akiwa ni mwenye hisa nyingi zaidi ya mwingine yeyote.

Kwa miaka ya hivi karibuni amekuwa akijikita zaidi katika mradi wake wa Blue Origin unaohusika na urushaji wa rocket kwenda angani pamoja na Washington Post ambazo zote anazimiliki.

Bezos ambaye ni Mwanzilishi na Mkurugenzi Mtendaji Mkuu (CEO) wa Amazon alizaliwa mwaka 1964 Albuquerque Jimbo laNew Mexico na alisoma Sayansi ya Kompyuta na Uhandisi wa Umeme katika Chuo Kikuu cha Princeton.

Alipohitimu alikwenda kufanya kazi na Wall Street lakini mwaka 1994 aliacha kazi na kwenda kuanzisha Amazon ambapo kwa mara ya kwanza Amazon ilianzishiwa katika karakana ya kutengenezea magari. Baada ya kampuni hiyo kuanza kufanikiwa na kujipanua katika nchi mbalimbali, mwaka 2000 alianzisha kampuni ya Blue Origin inayojishughulisha na masuala ya anga.

Mwaka 2013 akiendelea kujipanua, aliinunua Kampuni ya Washington Post kwa $250 milioni na ilipofika Mei 2017 alitajwa kuwa na utajiri wa $ 84.8 bilioni, lakini leo Julai 27, 2017 amefikisha utajiri wa $90.6 bilioni na kushikilia usukani wa mtu tajiri zaidi duniani.

Kwa mujibu wa Forbes, hawa ndio matajiri 10 wanaoongoza duniani;

1.    Jeff Bezos (53)- Amazon.com
2.     Bill Gates (61)- Microsoft
3.     Amancio Ortega (81)- Zara
4.     Warren Buffett (86)- Berkshire Hathaway
5.     Mack Zuckerberg (33)- Facebook
6.     Carlos Helu (77)- telecom
7.     Larry Ellison (72)- software
8.     Michael Bloomberg (75)- Bloomberg LP
9.     Bernard Arnault (68)- LVMH
10.     Charles Koch (81)- diversified