KUMGEUKIA MUNGU NDIO MAJIBU YA MATATIZO YAKO.

Watu wametakiwa kutoogopa kutokana na matatizo mbalimbali wanayokabiliana nayo maishani badala yake wamgeukie Mungu ambaye anamajibu ya kila mmoja.

Hayo yamesemwa na Mtumishi mwanafunzi Julieth Mwanyika wakati akihubiri katika ibada ya chuo cha manabii iliyofanyika katika hema la kukutania Ngurumo ya upako kisongo Ambapo alifundisha somo lisemalo”Geuka Maana Yesu ana Majibu yako”.

Akihubiri Mtumishi Julieth amesema kuwa inawezekana kuwa kuna watu wamepokea habari mbaya ikiwemo Magonjwa, Madeni, Umasikini, lakini pamoja na hayo hawatakiwi kuogopa kwa kuwa yupo Mungu anaweza kuwavusha katika mapito hayo.

Naye Mtume Eser Robert akihubiri ibadani hapo amesema kuwa ili mtu aweze kuzikabili Baraka zake maishani anahitaji nguvu, Imani, Fedha na Mikopo.

Kwa upande wake kadinali wa tatu wa huduma ya ngurumo ya upako Mchungaji Zimani Gervas aliwakumbusha watu kutoa sadaka maalum ya miezi miwili ya kupokea upako wa kukamilisha na kufanikisha malengo inayotolewa kila siku ya Alhamis kuanzia saa nne Usiku kwa muda wa mwezi wa sita na wa Saba.

Aidha Chuo cha Manabii ibada ya katikati ya wiki hufanyika siku za Jumanne na Alhamis ambapo watu kutoka sehemu mbalimbali huudhuria hemani kwa ajili ya kupokea uponyaji.